மெய்யீற்றுப் புணர்ச்சி - தொல்காப்பியம் - 1

1. ஞகரத்தை மொழி ஈறாகக் கொண்ட தொழிற் பெயர் வரு மொழி முதலில் க, ச, த, ப வரின் ஞ்-உகரம் ஏற்று வல்லெழுத்து மிக்கு வரும். [உரிஞ்+தீது-உரிஞுத்தீது]
2. ஞகரத்தை அடுத்து ஞ, ந, ம, வ வரின் ஞ -உகரம் பெற்று வரும் [உரிஞ்+மாண்டது=உரிஞு மாண்டது]
3.  நகரத்தை மொழி ஈறாகக் கொண்ட சொல் வரு மொழி முதலில் க, ச, த, ப வரின் ந-உகரம் ஏற்று வல்லெழுத்து மிக்கு வரும். [பொருந்+கடிது=பொருநுக்கடிது]
4. வேற்றுமையில் நகர ஈற்றுச் சொல் வந்து வருமொழி முதலில் க,ச,த,ப வர உகரம் வராமல் [பொருந்+கலைஞர்=பொருநக் கலைஞர்]
5. வெரிந் என்ற சொல்லை அடுத்து க,ச,த,ப வர நகரம் கெட்டு மெல்லெழுத்து மிகும். [வெரிந்+குறை=வெரிங்குறை]
6. வெரிந் அடுத்து க,ச,த,ப வர சில நேரம் வல்லெழுத்து மிகுதலும் உண்டு. [வெரிந்+குறை=வெரிக்குறை]
7. வேற்றுமையில் ணகர இறுதியை அடுத்து வரு மொழி முதலில் வல்லெழுத்து  வரின் ண- டகரமாகும். [மண்+குடம்=மட்குடம்]
8. ஆண், பெண் அடுத்து வல்லெழுத்து வரின் இயல்பாக முடியும். [ஆண்+கை=ஆண்கை, பெண்+தலை=பெண்தலை]
9. ஆண்  என்னும் மரப்பெயர் அரை மரப்பெயர் போல அம் சாரியை பெற்று வரும்.
10. செய்யுளில் விண் - அடுத்து  வருமொழியில் விண் வரும்போது அத்துச் சாரியைப் பெற்று வரும். [விண்+கொட்டும்=விண்ணத்துக்கொட்டும்]. அத்துச் சாரியைப் பெறாமலும்வரும். [விண்கொட்டும்]
11. ணகர ஈற்றுத் தொழிற் பெயரை அடுத்து    வல்லெழுத்து வர உகரம் பெற்று வல்லொற்று மிகும். [மண்+கடிது=மண்ணுக்கடிது]       மெல்லின, இடையினம் வர உ மட்டும் பெறும்.[மண்+மகிழ்ந்தது=மண்ணுமகிழ்ந்தது].
12. ணகர ஈற்றுக் கிளைப்பெயர் [இனப்பெயர்]  வல்லெழுத்தோடு இயல்பாகப் புணரும். [உமண்+குடி=உமண்குடி]
13. எண் என்ற உணவுப் பெயரை அடுத்து வரு மொழியில் வல்லினம் வர் ணகரம் டகரம் ஆகும். [எண்+சிறிது=எட்சிறிது].
14. முரண் என்னும் தொழிற் பெயர் அல்வழியில் இயல்பாகப் புணரும். [முரண்+கொடிது=முரண்கொடிது]. வேற்றுமையில் ண் - ட் ஆகத் திரியும். [முரண் + தொழில் = முரட்டொழில்]
15. வேற்றுமையில் மகர ஈற்று சொல் வந்து வருமொழி முதலில் வல்லெழுத்து வர மகரம் கெட்டு வல்லொற்று மிகும். [அகம்+பொருள்=அகப்பொருள்].
16. மகர ஈற்று சொல்லை அடுத்து  அகரம் வர மகரம் கெட்டு அகரம் ஆகாரம் ஆதலும் உண்டு. [மரம் + அடி = மரா அடி - மராவடி] ஆகாரம் ஆகாமல் இருத்தலும் உண்டு. [மரம் + அடி = மர அடி - மரவடி]
17. மகர ஈற்று சொற்களை அடுத்து வல்லினம் வர சில நேரம் மெல்லெழுத்து மிகுதலும் உண்டு. [ குளம்+​கரை= குளங்கரை/ குளக்கரை].
18. இல்லம் என்னும் மரப்பெயரை அடுத்து வல்லெழுத்து வர அது விசை மரப்பெயரைப் போல மெல்லொற்று மிகுந்து வரும். [இல்லம்+கோடு=இல்லங்கோடு].
19. அல்வழிப் புணர்ச்சியில் மகர ஈற்றுச் சொல் மெல்லெழுத்து மிக்குப் புணரும். [இடம்+கொடுத்தான்=இடங்கொடுத்தான்].
20. அகம் என்னும் சொல்லை அடுத்து கை வந்தால் அகத்தில் உள்ள அ தவிர மற்றவை [கம்] கெட்டு மெல்லெழுத்து மிகும் [அகம்+கை=அங்கை]
21. இலம் என்னும்சொல்லை அடுத்து படு என்ற சொல் வந்தால் இயல்பாகப் புணரும். [இலம்+படு=இலம்படு]
22. ஆயிரம் என்னும் எண் சொல்லை அடுத்து அதை ஒத்த எண் வரும்போது அத்துச் சாரியைப் பெற்று வரும். [ஆயிரம்+ஒன்று=ஆயிரத்தொன்று]
23. ஆயிரம் அடைச் சொல்லோடு வந்தாலும் அத்துச் சாரியை பெற்று வரும். நாலாயிரம்+ஐந்நூறு = நாலாயிரத்தைந்நூறு]
24. ஆயிரத்தை அடுத்து அளவைப் பெயர் வர மகரம் கெட்டு வலி மிகும். [ஆயிரம் + கழஞ்சு = ஆயிரக் கழஞ்சு, ஆயிரப்படி, ஆயிரக்கலம்]
25. படர்க்கைப் பெயர், முன்னிலைப் பெயராய் உள்ள மகர ஈற்றுச் சொல்லை அடுத்து வல்லினம் வர மகரம், உகரம்  கெட்டு ரகர ஒற்று வரும். [எல்லாரும்+கை=எல்லார்கை]
26. படர்க்கைப் பெயர், முன்னிலைப் பெயராய் உள்ள மகர ஈற்றுச் சொல்லை அடுத்து வல்லினம் வர மகரம், உகரம்  கெட்டு மெல்லெழுத்து மிகலும் உண்டு. [தம் + கை =தங்கை]
27. எல்லாம் என்பது உயர்திணையைக் குறித்தால்  நம் சாரியைப் பெற்று வரும்.  [எல்லா நங்கை]
28. நும் என்னும் சொல்லை அடுத்து ம் எல்லெழுத்து வரும். [நும்+கை=நுங்கை]
29. நும் என்னும் சொல் அல்வழியில் நுயிர் என்று ஆகும்.
30. மகர ஈற்று தொழிற்பெயர் ஞகர ஈற்றைப் போல உகரம் பெற்று வல்லெழுத்து மிகும். [செம்+கடிது=செம்முக்கடிது]
31. வேற்றுமை, அல்வழியில் ஈம், கம், உரும் மூன்றும்  உகரம் பெற்று வல்லெழுத்து மிகுந்து வரும். [ஈம்+கடிது = ஈமுக்கடிது, உருமுக்கடிது]
32. வேற்றுமையில் ஈம், கம் இரண்டும் அக் சாரியைப் பெற்று வருதலும் உண்டு. [ஈம்+குடம்=ஈமக்குடம், கம்+குடம்=கம்மக்குடம்]
33. மகர ஈற்றை அடுத்து வகரம் வர மகரம் குறுகலுமம் உண்டு. இயல்பாகவும் புணர்தல் உண்டு. [நிலம்+வலிது=நிலம்வலிது].
34. மகர ஈற்று நாட்பெயர் அன், அத்துச் சாரியை பெற்றும் வரும். [மகம்+கொண்டான்=மகத்தாற் கொண்டான், மகம்+கை=மகத்துக்கை]